埗兵係由2020年8月5日開始，喺深水埗嘅店舖同一眾街坊幫助之下，開始形成一個外賣團隊。

點解想成立埗兵? 官方回答係想喺自己嘅社區內，建立一個同路人嘅外賣平台選擇，唔使每次外賣都叫動物台。而非官方回答就係，有人唔想食老婆煮嘅飯而想叫多啲外賣，所以決定整一個外賣平台，街坊有得用，自己又有得用。